Madaxweynaha Maamulka Puntland Cabdiraxmaan Maxamed Faroole oo maanta Shir'jara'id ku qabtay xaruunta madaxtooyada ee magaalada Garoowe ee caasimadda Puntland ayaa waxaa uu ka hadalay arimo farabadan oo ay kamidyihiin khilaafkii dhawaan soo dhexgalay Puntland iyo Dowladda Somaliya.

Faroole ayaa waxaa uu yiri Puntland wey u madax banaantahay arimaheeda iyo mashaariicda deegaanada Puntland isagoo intaa dabadhigay in magaalada Nairobi uu kula soo kulmay saraakiil ka socota ha'ado kala duwan ku waasoo uu kala hadalay arimaha mashaariicda Puntland, weyna iga aqbaleen ayuu yiri.

Waxaa uu sidoo kale Masuulkan uu soo hadal qaaday arimaha Bur cad badeeda oo siweyn looga dareemayo Deegaanada Puntland gaar ahaan Magaalada Garoowe oo ah caasimaddii Puntland,waxana uu sheegay in maamulkiisa ay sida ugu dhaqsiyaha badan wax ugu qabanayaan arimaha Bur bad badeedda Somalida ah.

Sidoo kale waxaa jirtay arin muhiim oo laga dhowrayay in uu madaxweynaha ka hadlo taas oo aheyd xaaladda amaan xumo ee kajirta deegaanada ay maamusho Puntland waxaana in ta uu maqnaa masuulkan Puntland ka dhacay Dilal loogeestay Masuuliyiin ka tirsan Puntland iyo qaraxyo lala beegsado xaruumaha maamulkaPuntland.

Madaxweynaha ayaa mar uu kahadlayay xaaladda amaan xumo waxaa uu yiri Puntland waxaa ay Xilligan u baahantahay in laga shaqeeyo amaankeeda islamarkaana laga hortago dhibaatada xooggan ee kajirta Puntland isagoo Saraakiisha ciidamada puntland ku amraya in xil iska saaraan amaanka deegaanka.

Sikastaba ha ahaatee Masuulkan Xalay soo gaaray Magaalada Garoowe ayaa laga sugayay in uu kahadlo arrimaha amaan ee Puntland oo u muuqda in ay faraha ka siibaxaday.

Axmed Xasan Ibraahin(Axmed yare)

axmedyare20s@hotmail.com

Tafa tiraha Guud ee Puntlandonline